Edición 2024
Nesta edición, as vencedoras do Premio á Mellor Música do Ano na Galiza, Ninghures; os vencedores do Premio á Mellor Música do Ano en Portugal, Os Quatro e Meia; a vencedora do Premio á Mellor Poesía do Ano na Galiza, Silvia Penas; e a vencedora do Premio á Mellor Poesía do Ano en Portugal, Sílvia Mota Lopes; e os representantes da Sociedade Cultural e Desportiva do Condado, distinguidas nesta ocasión co Premio Especial do Xurado á Embaixada da Amizade Galego-Lusófona.
"Morena", e “Na Escola” foron escollidas como Mellores Músicas do ano 2023
Santiago de Compostela, 2 de abril do 2024
O pasado 27 de marzo pechou o proceso de votación mediante o cal o público da gala aRi[t]mar escolleu cales foron as Mellores Músicas do ano 2023 na Galiza e en Portugal. Nesta novena edición, o certame volveu bater a súa propia marca de participación cun total de 9850 votos, cifra que supón máis dun 40% de incremento con respecto á edición anterior.
Neste caso, o público de aRi[t]mar acordou que Morena, de De Ninghures, fose a Mellor Música do ano 2023 na Galiza. No caso do territorio luso, o tema elixido como Mellor Música do ano 2023 en Portugal é Na Escola, da banda coimbrán Os Quatro e Meia.
Mellor Canción Galega
MorenaDe Ninghures
O tema, estreado en outubro de 2023, alén de ser un dos máis bailables da banda, é boa mostra das confluencias que se dan nesta agrupación. Neste caso, as de tradición galega e as de electronic dance music. Noutros traballos, esta agrupación formada por, entre outros, músicos bergantiñáns, composteláns e fonsagradinos, tamén presenta influencias doutras tradicións musicais ibéricas, así como de sons magrebís ou latinoamericanos.
Ai de Min, de Caamaño&Ameixeiras
Sagitário, de Miguel Araújo
Ardén , de Mondra
Saia da Carolina, de Carolina Deslandes
"CANTO SEGUNDO PARA UN FILLO NO NADO", e “Há mulheres que trazem...” foron escollidas como gañadoras do premio á mellor poesía 2023
Santiago de Compostela, 15 de maio de 2024
Despois de máis dun mes de votacións, o público da gala aRi[t]mar decidiu que o poema “CANTO SEGUNDO PARA UN FILLO NO NADO” da viguesa Silvia Penas, foi a Mellor Poesía do Ano 2023 na Galiza. Do mesmo xeito, “Há mulheres que trazem…”, da poeta bracarense Sílvia Mota Lopes, foi elixida Mellor Poesía do Ano 2023 en Portugal.
Foi a través de máis de 4.000 votos que o público de aRi[t]mar acordou galardonar a estas poetas. No caso galego, por detrás de Penas situáronse os poemas “Declara a dor”, de Chus Pato; e “entra o sol cheirar a casa”, de Celso Fernández Sanmartín. En Portugal, a Mota Lopes seguírona “A arte do roubo ás escuras”, de Joana M. Lopes, e “muda de lugar…” de César Pires.
Declara a dor, de Chus Pato
A arte do roubo ás escuras, de Joana M. Lopes
entra o sol cheirar a casa, de Celso Fernández Sanmartín
muda de lugar..., de César Pires
premio especial do xurado á Embaixada da amizade galego-lusófona
Sociedade Cultural e Desportiva do Condado
A Sociedade Cultural e Desportiva do Condado é unha entidade fundada en Salvaterra do Miño no ano 1973. Nada como organización no ámbito deportivo, logo comezou a dar sinais de vida no eido da cultura, promovendo actividades coma o famoso concerto que reuniu, no 1978, a Zeca Afonso, Vitórino e Fausto, con músicos locais.
PROMOVE
PATROCINA
COLABORA
newsletter
Mantente informado: aRi[t]mar galiza e portugal
