Agrupación formada por seis músicos que ten a súa orixe nunha xuntanza universitaria aló polo 2013 na cidade de Coimbra. Practican unha música que poderiamos definir como pop-rock, con tendencia a cancións lentas e emotivas, e alta presenza do piano e máis outros elementos como as seccións de corda. Acadaron unha alta notoriedade en Portugal no 2017 grazas ao seu disco “Pontos nos Is”. No 2022 participaron no Festival da Canção co tema “Amanhã”.