Agrupación formada no 2019 por músicos de varias zonas da Galiza, entre elas Carballo, Santiago de Compostela ou A Fonsagrada, e caracterizada por partir da música tradicional e o folk galegos para transitar por todo tipo de sonoridades, que van desde a electronic dance music ou o rock, ata os sons doutras tradicións ibéricas, así como a música magrebí ou latinoamericana. Teñen participado dalgúns dos grandes eventos da música galega coma o Festival de Ortigueira ou o compostelán TradFest.