"Un mar que soña", e “Indigestão” foron escollidas como gañadoras do premio á mellor poesía 2025
Santiago de Compostela, 02 de xuño de 2026
O pasado sábado, 30 de maio, remataron as votacións para escoller os mellores poemas do ano 2025 na Galiza e Portugal. Foron 2.500 votos os que decidiron que “Un mar que soña”, de Andrea Nunes Brións, foi a Mellor Poesía do 2025 na Galiza e “Indigestão”, de Ana Gago, foi a Melhor Poesía de 2025 em Portugal. Os podios das dúas categorías completáronse con “V” de Elisabeth Oliveira e “A Incomunicación” de Andrea F. Maneiro para a Galiza; e “Trocar de água” de Daniel Jonas e “Música de Ninar no Buraco” de Pedro Pereira Lopes para Portugal.
V, de Elisabeth Oliveira
TROCAR DE ÁGUA, de Daniel Jonas
A incomunicación, de Andrea F. Maneiro
Música de Ninar no Buraco, de Pedro Pereira Lopes
"Será por Flores", e “MENINA” foron escollidas como Mellores Músicas do ano 2025
"Será por Flores", e “MENINA” foron escollidas como Mellores Músicas do ano 2025
Santiago de Compostela, 30 de marzo do 2026
Despois dun mes de votacións e máis de 5.000 participacións do público xeral, a gala aRi[t]mar da música e a poesía galego-portuguesas xa ten as súas cancións elixidas como Mellor Música do 2025 na Galiza e Melhor Música de 2025 em Portugal. Neste caso, os usuarios acordaron que Será por flores, de Uxía, foi a Mellor Música do 2025 na Galiza. Pola parte lusa, MENINA, de MAR en colaboración con Carolina Deslandes, foi elixida como Melhor Música de 2025 em Portugal.
Ámbalas dúas gañadoras, Uxía e MAR, recollerán o seu premio na gala aRi[t]mar 2026, que será celebrada este outono en Santiago de Compostela.
Mellor Canción Galega
"Será por Flores"de Uxía
Será por flores é proba da sensibilidade dunha Uxía a cuxas costas atopamos unha extensísima carreira que non a impide mostrarse incansábel. O público de aRi[t]mar elixiu como mellor música do ano na Galiza un tema no que a mosense exhibe a súa face máis achegada á canción de autor e á poesía, desenvolvendo a meirande parte do sinxelo con guitarras e unha voz limpa. O ton de Uxía, tan característico e cheo de matices, enche unha canción que mesmo ten certo aire crepuscular. Xa é unha das grandes cancións dunha das grandes voces da música galega contemporánea.
Todo o mundo contra min, de Ulex
Brinde (16h00) , de Carolina Deslandes
Perdín a memoria , de MJ Pérez
Respirar, de Calema
Ai de Min, de Caamaño&Ameixeiras
Sagitário, de Miguel Araújo
Ardén , de Mondra
Saia da Carolina, de Carolina Deslandes
premio especial do xurado á Embaixada da amizade galego-lusófona © Foto: Xan Carballa
Xico de Carinho
Xico de Carinho é merecente do premio especial do xurado á Embaixada da amizade galego-lusófona porque leva toda unha vida tendendo pontes de afecto, memoria e cultura entre a Galiza e Portugal. Na súa persoa conflúen a música, o compromiso e a fraternidade de quen entendeu sempre que dunha e doutra banda do Miño latexa unha mesma emoción colectiva. O seu labor é moito máis do que unha tarefa cultural, é un acto continuo de amizade verdadeira, de fidelidade á lingua, á memoria e aos soños compartillados.
PROMOVE
PATROCINA
COLABORA
newsletter
Mantente informado: aRi[t]mar galiza e portugal
