Anorak de pel de caribú

Lúa Mosquetera

Anorak de pel de caribú

Se vas vir,
ven sen o reloxo.

Podes levar, de ser o caso
de estarmos a vivir un inverno esfameado
cheo de poalleira conxelada
na pel das plantas da túa terraza
do teu piso
de aluguer,
un anorak de pel de caribú.
Podes levar, de ser a desgraza imparábel,
de ser a sorte inimiga,
unha máscara tapabocas
unhas luvas antialoumiños
un certo medo no peito amarrado
para evitar calquera tipo de contaxio.
Podes levar,
por que non,
enrugada no peto do vaqueiro,
pegadiña ao profiláctico premeditado,
unha ilusión cativa
de que todo vai saír
como o imaxinaches nun soño
que tiveches nos primeiros do 2000,
onde soñar suplía
todas as redes sociais do teu móbil de agora.

Mais de vires,
deixa que fite
cunha cacharela en cada ollo
o teu pulso nu.

E deixa que pense
que mañá
é só
unha falacia
inventada polos académicos da lingua.

VVAA, 15 voces da nova poesía galega.
GADISA, 2021

BIO

Compromisso, renovação e ruptura são três palavras que descrevem com precisão o trabalho de Lúa Mosquetera. A autora, originária da vila de Minho, na Corunha, abandona os tropos mais recorrentes da poesia em seus poemas, sempre recitados sobre música (se pode ser ao vivo) e defensores de uma lírica separada do elitismo. "Anorak de pel de caribú", a poesia que ganhou o prémio de Melhor Poesia do Ano na Galiza, integrou a antologia "15 voces da nova poesia galega" e será publicada num livro de poemas da autora em 2022 com a editora Galaxia.

Desprazamento
Bottom Reached
PT