27 de Outubro | Gala entrega de premios e actuacións

Auditorio de Galicia | Compostela

Terradentro

Paco Souto

Terradentro

Para Vicente Ansola

o mar
sopraba azul
e abaneaba as follas dos carballos
mentres eu paseaba silencioso
ao compás do teu recordo

había
quen berraba agonizante
incrédulo
a tanto naufraxio
e tanto amor
tamén era eu
mais non quixen facerme caso

percorrín de novo o camiño á casa
fecheime no cuarto
e oferteime ao teu delirio

pronto
fomos auga

e Caín.
Laiovento, 2016.

BIO

Foi coeditor de Edicións do Dragón e da colección Letras de Cal. Realizou ilustracións para libros e participou en exposicións colectivas, colaborando tamén en obras teatrais. Foi presidente da asociación de mariscadores e da asociación Caldeirón e destacado activista cultural, político e social. Entre os seus poemarios, destacan As árvores do incesto (Espiral Maior), Fado (Letras da Cal), Crebar cristais coa lingua (A. C. Caldeirón), As horas de María (Espiral Maior), e Caín (Laiovento). Faleceu en marzo deste ano, nun tráxico accidente mentres exercía o seu traballo de percebeiro.

Desprazamento
Bottom Reached
GL